Orne (departemint)

Orne is ien fan de fiif Normandyske departeminten yn Frankryk. It departemint is ferneamd nei de rivier de Orne.

Orne
De lizzing fan it departemint Orne yn Frankryk.
flagge	wapen
polityk
soarte gebiet	departemint
lân	Frankryk
regio	Normandje
haadplak	Alençon
grutste plak	Alençon
departemintsnûmer	61
sifers
ynwennertal	281.593 (2018)
oerflak	6.103 km²
befolkingstichtens	46 / km²
oar
stifting	1790
tiidsône	UTC +1
simmertiid	UTC +2
koördinaten	49° 3′ N 1° 15′ E
webside	www.orne.fr

Skiednis

It departemint is ien fan de 83 departeminten, dy't yn de tiid fan de Frânske Revolúsje foarme binne. It grutste diel fan it departemint hearde eartiids by de eardere provinsje Normandje, allinne it súdeastlike diel makke histoarysk diel út fan de provinsje Perche.

Geografy

Alençon, Notre-Dame

Oanbuorjende departeminten fan Orne binne Eure, Eure-et-Loir, Sarthe, Mayenne, Manche en Calvados.

Orne bestiet út trije arrondisseminten:

• Alençon
• Argentan
• Mortagne-au-Perche

De trije arrondisseminten binne ferdield yn meiïnoar 21 kantons en 385 gemeenten.

Lânskip

Grutte yndustriële sintra binne ôfwêzich en de Orne is fral in agrarysk en grien gebiet bleaun.

It departemint is heuvelich, útsein it flakke lânskip by Argentan. Der binne lânskiplik twa bysûndere regio's: Suisse Normande en de Alpes Mancelles. Dy dielen binne toeristysk fanwegen it troch de rivieren Orne en Sarthe foarme skildereftige lânskip.

It heechste punt fan it departemint is de Signal d'Écouves (413 meter), tagelyk it heechste punt fan Normandje. It leit yn it bosk fan Écouves, noardlik fan Alençon. De Butte Chaumont mei in hichte fan 378 meter is in oare heuvel yn it bosk Écouves.

Likernôch 17% fan it lân bestiet út bosk, wêrfan't it grutste diel út leafbeammen bestiet.

Demografy

Demografyske ûntwikkeling sûnt 1962

De fiif grutste gemeenten wat ynwennertal oanbelanget binne Alençon, Flers, Argentan, L'Aigle en La Ferté-Macé.

Ofbylden

• 
  Signal d'Écouve
• 
  Dolmen
• 
  La Roche d’Oëtre
• 
  Abdij fan Lonlay
• 
  Forêt d'Andaine
• 
  Saint-Céneri-le-Gérei

Keppeling om utens

• Prefektuer Orne

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Orne fan Wikimedia Commons.