Vikram Samvat
(Widjerfeerd faan Shaka Samvat)
 Tekst üüb Öömrang
|
Vikram Samvat as di amtelk kalender faan Nepaal.
Vikram Samvat (V.S.) gongt turag üüb en ual Hindu traditjuun. Hi as näämd efter könang Vikramaditya Samvat an racht ham efter a muunfaasen. Di V.S. lääpt di Gregoriaans kalender am 56,7 juar föörütj: Det juar 2000 as det juar 2056/57 efter Vikram Samvat. At nei juar begant di 13. April an arke nei muun begant uun a maden faan a krastelk muun. Di V.S. woort fööraal uun a stootsaperoot, uun a bleeden an bi't könanghüs brükt. Diar san twaalew muuner, diar oober ei mä a krastelk muuner auerian steme.
Muuner
Bewerke| Nööm | Düür (daar) | Internatjunaal tidjreegnang |
|---|---|---|
| Baishak | 31 | April-Mei |
| Jesth | 31 | Mei-Jüüne |
| Ashad | 32 | Jüüne-Jüüle |
| Sawan | 32 | Jüüle-August |
| Bhadau | 31 | August-September |
| Ashwin | 30 | September-Oktuuber |
| Kartik | 30 | Oktuuber-Nofember |
| Mangshir | 29 | Nofember-Detsember |
| Poush | 30 | Detsember-Janewoore |
| Magh | 29 | Janewoore-Febrewoore |
| Falgun | 30 | Februar/März |
| Chaitra | 30 | Maarts-April |
Ööder kalendern uun Nepaal
Bewerke- Bütj V.S. woort uk di Shaka Samvat brükt, fööraal faan astroloogen. Hi racht ham efter könang Salivahan, di jin könang Soma Kant uun't juar 77/78 f.Kr. streden hää.
- Di Nepaal-Samvat kalender as faan a Malla könger iinfeerd wurden. Hi begant uun't juar 879 efter Krast.
- Di Tibeetisk kalender Bot Gyalo (tibeetisk: bod rgyal lo) woort faan a flücht Tibeetern an Sherpas brükt. Hi gongt turag üüb det Tantra-süsteem Kalachakra faan't juar 1026. At tidjreegnang ferlääpt uun en 60-juaragen kalender mä fiiw elementen (holt, ial, eerd, iisen, weeder) an twaalew diarten (müs, oks, tiiger, haas, draag, slaang, hingst, sjep, aab, fögel, hünj, swin). Sodenang san diar 5 x 12 = 60 mögelk ferbinjangen.