Skrásett parlag

Skrásett parlag er parlag millum tvey vaksin menniskju. Parlagið verður skrásett fyri at tryggja arv og fíggjarlig viðurskifti í einum parlagi og kann í summum londum nýtast av bæði hetero- og homopørum. Til dømis er hettar galdandi í Grønlandi, Bretlandi, Íslandi, Finnlandi, Svøríki, Noregi og Danmark. Í USA er tað ymiskt frá ríki til ríki. Føroyar eru einasta landið í Norðurlondum, sum enn ikki hevur samtykt lóg um skrásett parlag .

Danmark verður í 1989 fyrsta landið í heiminum, ið innførur skrásett parlag fyri fólk av sama kyni. Axel og Eigil Axgil verða tí fyrstu giftu samkyndu fólkini í heiminum . Lógin um skrátsett parlag verður ikki sett í gildi í Føroyum, men fleiri samkyndir føroyingar hava hinvegin valt at gifta og búseta seg í Danmark og øðrum londum, har lógin er galdandi.

7. juni 2012 samtykti Fólkatingið eina nýggja lóg, ið gevur heimild til at samkynd pør kuunu giftast á sama hátt sum hinskynd. Lógin kom í gildi 15. juni sama árið. Harvið gjørdist hjúnabandið kynsóheft, men skrásett parløg ið eru skrásett áðrenn hjúnabandslógin frá 2012 kom í gildi, halda fram við at vera galdandi og kunnu eisini broytast til hjúnaband.

Í Føroyum kunnu samkynd hvørki fáa skrásett parlag ella giftast. Í november 2015 varð uppskot tagt fyri Løgtingið um at seta hjúnabandslógina í gildi fyri Føroyar. Lógin kemur til aðru viðgerð í mars 2016.

Politikkur

Hvørki skrásett paralag ella kynsleyst hjúnarlag er galdandi í Føroyum.

Føroyar er einasta Norðurland og eitt av heilt fáu londunum í Vesturevropa har skrásett parlag fyri samkynd ikki er lógligt.

Skrásett parlag

Listi yvir lond

Evropa

• Írland
• Luksemburg
• Týskland
• Kekkia
• Ungarn
• Slovenia
• Kroatia
• Sveis
• Eysturríki
• Liktinstein
• Andorra
• Noreg (hjúnaband)
• Danmark (hjúnaband)
  • Grønland
• Svøríki (hjúnaband)
• Finnland (hjúnaband)
• Niðurlond (hjúnaband)
• Belgia (hjúnaband)
• Ísland (hjúnaband)
• Spania (hjúnaband)
• Portugal (hjúnaband)
• Frakland (hjúnaband)
• Stóra Bretland (hjúnaband)
  • Mann
  • Jersey

Norðuramerika

• Kanada (hjúnaband)
• Meksiko
  • Meksikobýur (hjúnaband)
• USA
  • New Jersey
  • Hawaii
  • Nevada
  • Colorado
  • Illinois
  • Wisconsin
  • Delaware (hjúnaband)
  • Kalifornia (hjúnaband)
  • Oregon (hjúnaband)
  • Minnesota (hjúnaband)
  • Rhode Island (hjúnaband)
  • Maine (hjúnaband)
  • Iowa (hjúnaband)
  • New York (hjúnaband)
  • Maryland (hjúnaband)
  • New Hampshire (hjúnaband)
  • Vermont (hjúnaband)
  • Washington DC (hjúnaband)
  • Connecticut (hjúnaband)
  • Massachusetts (hjúnaband)
  • District of Columbia (hjúnaband)

Suðuramerika

• Brasil (hjúnaband)
• Uruguei (hjúnaband)
• Kolombia
• Ekvador
• Falklandsoyggjar
• Franska Gujana (hjúnaband)
• Galapagos
• Argentina (hjúnaband)

Afrika

• Réunion
• Suðurafrika (hjúnaband)

Kyrrahavsoyggjarnar

• Nýsæland (hjúnaband)
• Avstralia
• Franska Polynesia
• Nýkaledónia
• Wallis- og Futunaoyggjarnar