[go: up one dir, main page]
Edukira joan

Vera Peters

Wikipedia, Entziklopedia askea
Vera Peters
Bizitza
JaiotzaRexdale (en) Itzuli, 1911ko apirilaren 28a
Herrialdea Kanada
HeriotzaToronto, 1993ko urriaren 1a (82 urte)
Heriotza moduaberezko heriotza: bularreko minbizia
Hezkuntza
HeziketaTorontoko Unibertsitatea 1934) Medikuntzako doktorea
Weston Collegiate Institute (en) Itzuli
Jarduerak
Jarduerakonkologoa, medikua eta radiation oncologist (en) Itzuli
Enplegatzailea(k)Ontario Cancer Institute (en) Itzuli
Jasotako sariak

 

Mildred Vera Peters, Vera Peters bezala ezaguna (Rexdale,1911ko apirilaren 28a - Toronto, 1993ko urriaren 1a) Kanadako zirujaua, onkologoa eta ikertzaile klinikoa izan zen.[1]

Biografia

[aldatu | aldatu iturburu kodea]

Mildred Vera Peters 1911ko apirilaren 28an jaio zen Toronto ondoko esne-etxalde batean, Kanadan. Zazpi anai-arrebetako bat izan zen, eta haurtzaroan landa-eskola txiki batera joan zen. Oso ikasle ona zen eta 16 urterekin amaitu zuen bigarren hezkuntza. Ordurako bere bokazio medikoa argi bazegoen ere, adin horrekin gazteegia zen medikuntza eskolan sartzeko, eta Matematika eta Fisikan matrikulatu zen Torontoko Unibertsitatean. Hurrengo urtean Medikuntza Fakultatera lekualdatzea eskatu zuen.[2]

Petersek 1934an lortu zuen Torontoko Unibertsitateko medikuntza-titulua.[3] Peters doktorea graduatu ondoren, bi urte eman zituen kirurgiako egoiliar gisa Torontoko St John 's Ospitalean. Bertan anatomia kirurgikoa ikasi zuen, batez ere berriki minbizia diagnostikatu zaien pazienteetan.[2]

1950ean, dokumentu historiko bat argitaratu zuen, lehen aldiz frogatzen zuena Hodgkinen gaixotasunaren hasierako estadioak zituzten paziente asko, orduan sendaezintzat jotzen zirenak, erabat senda zitezkeela "eremu hedatuko erradiazioa" ematen bazitzaien.[4][5][6] Ondoren, bularreko minbiziaren tratamenduan erradiazio-terapiaren erabilera aztertu zuen.[7] Haren ikerketak frogatu zuen bularra kontserbatzen duen kirurgia (tumorektomia), erradiazioarekin jarraitzen duena, mastektomia erradikala bezain eraginkorra zela, eta eragin nabarmena zuela bularreko minbizia izan zuten emakume askoren bizitzetan.[8]

Peters bularreko minbizi baten ondorioz hil zen. 82 urte zituen.[2]

Sariak eta aintzatespenak

[aldatu | aldatu iturburu kodea]

Bere mediku-lana aitortzeko, Petersek bi ohorezko doktoretza jaso zituen: Yorkeko Unibertsitatekoa 1975ean eta Queen's Unibertsitatekoa 1983an. Onkologia eta Erradiologia Terapeutikorako Amerikako Elkartearen urrezko domina ere jaso zuen 1979an eta Antoine Beclere domina.[9] 1988an, Kanadako Bularreko Minbiziaren Fundazioak bereizgarrizko emakume izendatu zuen.[9] 1975ean Kanadako Ordenako Kide izendatu zuten, 1977an igo zen ofizial mailara, eta 2010ean sartu zuten hil ondoren Kanadako Medikuntzako Ospearen Aretoan.[8][10][9]

Erreferentziak

[aldatu | aldatu iturburu kodea]
  1. ↑ (Gaztelaniaz) Stadler, Marta Macho. (2017-04-28). «Mildred Vera Peters, oncóloga» Mujeres con ciencia (Noiz kontsultatua: 2024-06-30).
  2. ↑ a b c (Gaztelaniaz) Stadler, Marta Macho. (2019-06-14). «Vera Peters, la oncóloga que salvó el pecho a miles de pacientes de cáncer de mama» Mujeres con ciencia (Noiz kontsultatua: 2024-06-30).
  3. ↑ «science.ca : Vera Peters» www.science.ca (Noiz kontsultatua: 2024-06-30).
  4. ↑ Peters, M. Vera. (1965-01-04). «Radiation Therapy» JAMA 191 (1): 28–29.  doi:10.1001/jama.1965.03080010034008. ISSN 0098-7484. (Noiz kontsultatua: 2024-06-30).
  5. ↑ (Gaztelaniaz) Palmero, María José Gutiérrez. (2010-05-05). Tratamiento radiológico de los linfomas:Casuística y resultados. Universidad de Salamanca ISBN 978-84-7800-203-0. (Noiz kontsultatua: 2024-06-30).
  6. ↑ (Gaztelaniaz) Mukherjee, Siddhartha. (2014-06-19). El emperador de todos los males: Una biografía del cáncer. DEBATE ISBN 978-84-9992-458-8. (Noiz kontsultatua: 2024-06-30).
  7. ↑ Peters, M. V.. (1970). «Radiation therapy in the management of breast cancer» Proceedings. National Cancer Conference 6: 163–174. ISSN 0077-3670. PMID 5458090. (Noiz kontsultatua: 2024-06-30).
  8. ↑ a b «Dr. M. Vera Peters | Canadian Medical Hall of Fame» web.archive.org 2015-04-19 (Noiz kontsultatua: 2024-06-30).
  9. ↑ a b c (Ingelesez) Gignac, Tamara. «"U of C med school founder honoured; William Cochrane named to Medical Hall of Fame"» www.proquest.com (Calgary Herald;) (Noiz kontsultatua: 2024-06-30).
  10. ↑ (Ingelesez) University Secretariat.. «"Honorary Degree Recipients"» University Secretariat (. York University.) (Noiz kontsultatua: 2024-06-30).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Vera_Peters&oldid=9835374"(e)tik eskuratuta