Laztan

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Laztana, fereka, txera edo karesa atxikimendua eta maitasuna adierazi eta gozamen fisikoa izateko larruazal bati egindako ukipen arin eta gozoa da. Egoera zein den eta laztantzen den gorputz atala zein diren, laztanen bitartez komunikatzen diren sentimenduak era askotakoak izan daitezke, samurtasunetik sentsualitatera; kontsolamendu emateko ere erabil daitezke. Haur txikiekin maite-maite egin erabiltzen da laztantzea adierazteko. Psikopatologia askotan, terapia moduan erabili izan da, besteak beste haur autistak gurasoekin dituzten harremanak sendotzeko.

Analisi transakzionalaren arabera, laztan bat pertsona baten edozein adierazpen mota da, ahozkoa zein ez-ahozkoa, beste pertsona bat dagoela konturatzea dakarrena. Besteak antzemateko moduak dira, eta ezinbestekoak dira bizirauteko eta bizitzeko, bai fisikoki, bai psikologikoki. Kantitatean edo kalitatean nahikoak ez badira, nahasmendu larriak sor daitezke.^[1]