Luis Suárez

Luis Suárez
	; Irudi gehiago
Bizitza
Jaiotza	Coruña, 1935eko maiatzaren 2a
Herrialdea	Espainia
Lehen hizkuntza	gaztelania; galiziera
Heriotza	Milan, 2023ko uztailaren 9a (88 urte)
Familia
Haurrideak	ikusi José Suárez Miramontes (en) ; Agustín Suárez Miramontes (en) ;
Hezkuntza
Hizkuntzak	gaztelania; galiziera; italiera
Jarduerak
Jarduerak	futbolaria eta futbol entrenatzailea
Ibilbidea
	Parte-hartzailea 1966ko Munduko Futbol Txapelketa ; 1962ko Munduko Futbol Txapelketa ; UEFA Euro 1964 ;
Posizio edo espezialitatea	erdilaria
Pisua	71 kilogramo
Altuera	176 zentimetro
Jasotako sariak	ikusi Castelao domina (1989) ; Ballon d'Or 1960 ; kirol merezimenduzko errege ordenako urrezko domina ;
Izengoitia(k)	Luisito eta El Arquitecto

Luis Suárez Miramontes (Ares, A Coruña, 1935eko maiatzaren 2a - Milan, 2023ko uztailaren 9a) espainiar futbol-jokalaria eta entrenatzailea izan zen. Erdilaria zen, Europako bere garaiko onenetako bat.

Artikulu hau galiziar futbolariari buruzkoa da; uruguaitar futbolaria gaitzat duena beste hau da: «Luis Alberto Suárez»

Biografia

Bere hiriko taldean hasi zen jokatzen baina berehala Bartzelona Futbol Klubak fitxatu zuen, eta zortzi urtez (1953-1961) aritu zen talde horretan jokatzen. Barcelonarekin Ferietako Kopa irabazi zuen bi aldiz (1958, 1960), Espainiako Liga bi aldiz (1959, 1960) eta Espainiako Kopa ere bi aldiz (1957, 1959).

1961ean Milango Inter taldeak fitxatu zuen 25 milioi pezetatan (futbolaren historiako fitxa garestiena ordu arte). Milanekin Europako bi Kopa irabazi zituen (1964, 1965), Kontinente arteko bi Kopa (1965, 1965), Italiako Liga hiru aldiz (1963, 1965, 1966). Gero Genoako Sampdorian ere jokatu zuen.

Bestalde, 35 partida jokatu zituen Espainiako selekzioarekin, Francisco Gento, Alfredo Di Stefano, Luis del Sol, Ferenc Puskas handiekin, eta, gero, Pirri eta Jose Angel Iribarrekin. 1962 eta 1966ko Munduko Txapelketetan ere parte hartu zuen, baina arrakasta handirik gabe. 1964an selekzio nazionalen Europako Futbol Txapelketa irabazi zuen, finalean Sobietar Batasuna menderatu ondoren.

1960an Urrezko Baloiaren saria jaso zuen (bera izan zen lehen gizon espainiarra), 1961 eta 1964an Zilarrezko Baloia, eta 1965ean Brontzezkoa.

Jokalari gisa erretiroa hartu ondoren, Milango Inter taldearen entrenatzaile izan zen, eta Espainiako selekzioarena gero, Italian egindako munduko txapelketan (1990).

Palmaresa

Taldeetan

Kontinente arteko Futbol Kopa (2): 1964, 1965.
Europako Kopa (2): 1964, 1965.
Hirietako Ferien Kopa (2): 1958, 1960.
Espainiako Liga (2): 1959, 1960.
Espainiako Kopa (2): 1957, 1959.
Italiako Liga (3): 1963, 1965, 1966.

Selekzioan

Europako Futbol Txapelketa (1): 1964.

Bakarkako sariak

Urrezko Baloia (1): 1960.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q270367
Multimedia: Luis Suárez Miramontes / Q270367