Trisono

Trisono en muziko estas trivoĉa akordo, kiu konsistas el tri tercio-intervaloj tavoligitaj unu super la alian. Trisono konsistas el toniko, terciotono kaj kvintotono.

Specoj

Ĉar oni distingas „grandajn“ kaj „malgrandajn“ terciojn, estas kvar eblecoj tavoligi du terciojn. La rezultajn trisonotipojn oni nomas laŭ siaj modaloj respektive laŭ la grando de siaj kadrointervaloj:

malsupra intervalo	supra intervalo	kadrointervalo	trisononomo	ekzemplo (toniko-terciotono-kvintotono)	ekzemplo akordsimboloj
granda tercio	malgranda tercio	perfekta kvinto	maĵoro-trisono	c-e-g	C
malgranda tercio	granda tercio	perfekta kvinto	minoro-trisono	c-e♭-g	Cm
malgranda tercio	malgranda tercio	diminuita kvinto	diminuita trisono	c-e♭-g♭	Cm/5-,Cmb5, Cdim, C°
granda tercio	granda tercio	aŭgmentita kvinto	aŭgmentita trisono	c-e-g♯	C/5+, Caug

La kvar trisono-tipoj notitaj en notliniaro laŭ la ekzemploj en la tabelo: maĵora, minora diminuita kaj aŭgmentita trisonoj

Invertado de trisonoj

Se eksonas alia trisonero ol la toniko kiel basotono, oni diras invertado. Je la unua invertado, nomata sestakordo, la terciotono lokas en la baso, je la dua, nomita kvartsestakordo, la kvintotono lokas en la baso.

Trisonoj super gamoj

Super ĉiu tono de gamo formeblas per terciotavoligo el tonoj de ĉi tiu gamo (t.n. engamaj tonoj). La ŝtupoteorio kaj funkcioteorio okupiĝas detale pri tio.

Vidu ankaŭ: Akordsimbolo, Akordo (muziko), Kadenco (muziko)