Ruĝavostaj konuroj

Ruĝavostaj konuroj (Pyrrhura) estas genro de papagoj el tribo Arini, apartenaj al netaksona grupo de konuroj. Ili renkonteblas en tropikaj kaj subtropikaj regionoj de Suda kaj Centra Ameriko (Panamo kaj Kostariko). Plejparto de la specioj troveblas nur en humidaj arbaroj kaj apudaj regionoj, sed ankaŭ estas esceptoj: la konuro de Deville (Pyrrhura devillei), preferas galeriajn arbarojn, kaj la konuro de Pfrimer (Pyrrhura pfrimeri) vivas nur en aridaj regionoj. Multaj specioj de ruĝavostaj konuroj estas severe minacataj.

Kiel legi la taksonomion Ruĝavostaj konuroj
Familio de verdavangaj konuroj (Pyrrhura molinae)
Biologia klasado
Regno: Animalia Filumo: Chordata Klaso: Aves Ordo: Psittaciformes Familio: Psittacidae Subfamilio: Arinae Tribo: Arini Genro: Pyrrhura Bonaparte, 1856
Specioj
vidu tekston
Aliaj Vikimediaj projektoj

Priskribo

Ruĝavostaj konuroj estas mezgrandaj papagoj: depende de la specio tuta longo de la birdo varias inter 22 kaj 30 cm. Ili ĉiuj havas longajn, akrajn vostojn, plejparte verdajn aŭ verdecajn plumarojn kaj relative malvastan grizecan aŭ blankan ringon ĉirkaŭ okuloj. Ventro kaj brusto de multaj specioj estas bunta aŭ aspektas kvazaŭ skvameca, kaj oftas grizecaj, flavecaj aŭ ruĝecaj makuloj ĉirkaŭ la oreloj.

La papagoj veturas en malgrandaj, bruaj birdaroj, plej ofte okupante kanopean aŭ subkanopean nivelojn de la arbaro. Malgraŭ siaj relative laŭtaj, eĉ por papagoj, voĉoj, la birdoj emas esti kvietaj en trankvila stato, kaj aparte kiam ili sentas minacon. Pro tio kaj pro ilia verda koloro ofte malfacilas rimarki ilin en arbokronoj. Ili nestas en arbotruoj aŭ arbofendoj.

Multaj specioj de ruĝavostaj konuroj facile adaptiĝas al vivo kaj reprodukto en kaptiteco. Pro sia ĉarma aspekto, inteligenteco kaj karismo ili iĝis tre popularaj dombirdoj kaj vaste popularas en birdobredado.

Taksonomio

La taksonomio de multaj grupoj de ruĝavostaj konuroj, aparte de speciaj kompleksoj de la pentrita konuro (Pyrrhura picta) kaj la blankorela konuro (Pyrrhura leukotis), grave ŝanĝiĝis dum la lastaj 20 jaroj, kaj kelkaj iamaj subspecioj de ili estas nun konsiderataj apartaj specioj.

En malfrua jaro 2008 aperis propono konsideri grupon de subspecioj el komplekso de P. picta el nord-eosta Peruo (nomata "group 6" en iuj fontoj) devas ankaŭ esti aparta specio P. parvifrons. Nun en jaro 2021 tiu ĉi propono ne jam estas akceptata far iuj aŭtoritataj birdosciencaj komunumoj kaj do la proponata specio ne estas en ĉi-suba listo.

Specioj

• Oĥramakula konuro, Pyrrhura cruentata
• Ruĝecventra konuro, Pyrrhura frontalis
• Konuro de Deville, Pyrrhura devillei (tradicie subspecio de P. frontali)
• Karmezinventra konuro, Pyrrhura perlata (antaŭe P. rhodogaster)
• Perla konuro, Pyrrhura lepida (antaŭe P. perlata)
• Verdavanga konuro, Pyrrhura molinae
• Pentrita konuro, Pyrrhura picta
  • Sinú-vala konuro, Pyrrhura (picta) subandina (probable formortinta)
  • Konuro de Todd, Pyrrhura (picta) caeruleiceps
  • Konuro de Eisenmann, Pyrrhura (picta) eisenmanni
• Venezuela konuro, Pyrrhura emma (tradicie subspecio de P. leucotis)
• Konuro de Hellmayr, Pyrrhura amazonum (tradicie subspecio de P. picta)
• Konuro de Bonaparte, Pyrrhura lucianii (tradicie subspecio de P. picta)
• Rozfrunta konuro, Pyrrhura roseifrons (tradicie subspecio de P. picta)
  • Ondabrusta konuro, Pyrrhura (roseifrons) peruviana
• Blankorela konuro, Pyrrhura leucotis
• Grizbrusta konuro, Pyrrhura griseipectus
• Konuro de Pfrimer, Pyrrhura pfrimeri (tradicie subspecio de P. leucotis)
• Fajrŝultra konuro, Pyrrhura egregia
• Konuro de Sankta-Marta, Pyrrhura viridicata
• Nigravosta konuro, Pyrrhura melanura
• Konuro de El Oro, Pyrrhura orcesi
• Nigraĉapa konuro, Pyrrhura rupicola
• Blankakola konuro, Pyrrhura albipectus
• Fajrflugila konuro, Pyrrhura calliptera
• Sangorela konuro, Pyrrhura hoematotis
• Rozkapa konuro, Pyrrhura rhodocephala
• Konuro de Hoffman, Pyrrhura hoffmanni

Galerio de specioj

• 
  Oĥramakula konuro
  (Pyrrhura cruentata)
• 
  Ruĝecventra konuro
  (Pyrrhura frontalis)
• 
  Verdavanga konuro
  (Pyrrhura molinae)
• 
  Karmezinventra konuro
  (Pyrrhura perlata)
• 
  Perla konuro
  (Pyrrhura lepida)
• 
  Sangorela konuro
  (Pyrrhura hoematotis)
• 
  Konuro de Hoffman
  (Pyrrhura hoffmanni)
• 
  Nigraĉapa konuro
  (Pyrrhura rupicola)
• 
  Ruĝecventra konuro
  (Pyrrhura frontalis)