Kunteksto
En literaturo kunteksto estas teksto ĉirkaŭ (eble nur antaŭ aŭ post) donita tekstopeco aŭ esprimo, kiu necesas por la ĝusta kompreno de tiu ĉi.
En lingvistiko, fonologio kaj fonetiko, kunteksto estas tio kio ĉirkaŭas, antaŭas aŭ sekvas en la parolo (konversacia kunteksto). En pli vasta senco kunteksto rilatas eĉ al la tuta situacio ĉirkaŭ esprimo aŭ evento.
En ankoraŭ pli vasta senco, ankaŭ en ĝenerallingva uzo, kunteksto rilatas al la situacio kiu ĉirkaŭas kulturajn kaj sociajn fenomenojn (historia, socia, politika kunteksto ktp.)