Gams
Gams estas komunumo en la elektodistrikto Werdenberg, Kantono Sankt-Galo, Svislando. Ĝi havis 3017 loĝantojn je la 31-a de decembro 2006, kies nombro kreskis al 3080 ĝis la 31-a de decembro 2009.
| Gams | |
|---|---|
 | |
 | |
| komunumo en Svislando | |
| Kantono | Sankt-Galo |
| Distrikto | Elektodistrikto Werdenberg |
| Koordinatoj | 47° 12′ 0″ N 9° 26′ 0″ O / 47.20000 °N, 9.43333 °O (mapo)Koordinatoj: 47° 12′ 0″ N 9° 26′ 0″ O / 47.20000 °N, 9.43333 °O (mapo) |
|
| |
| Nombro de loĝantoj | 3080 |
| Areo | 22,28 km² |
| Alteco | 490 m super marnivelo |
| Poŝtkodo | 9473 |
| Komunumkodo | 3272 |
 | |
Geografio
redaktiGams situas ĉe la okcidenta fino de la Wildhaus-Pasejvojo en la Rejnvalo, piede de la montmasivo Alpstein, kie situas la plej alta punkto de la komunumo, nome la kulmino de la monto Mutschen sur alteco de 2121 m s.m. Tra la komunumo fluas la rivereto Simmi, kiu fontas ĉe la Wildhaus-Pasejo. Ĝian okcidentan limon formas la Rejna Enlanda Kanalo.
Najbaraj komunumoj
redaktiLa komunumo Gams limas en nordo kaj nordoriento al Sennwald, en sudoriento Buchs, en sudo al Grabs, kaj en okcidento al Wildhaus-Malnov-Sankt-Johano.
Trafiko
redaktiGams estas atingebla per poŝtaŭtobusoj de Buchs SG kaj de Togenburgo tra la Wildhaus-Pasejo. En okcidento la komunumo disponas pri alveturejo al la svisa aŭtovojo A13, kiu pasas okcidente de ĝi.
Historio
redaktiLa unua skriba mencio de Gams datiĝas el donacdokumento el la jaro 835 post Kristo kiel Campesias. Per ĉi-tiu dokumento Berengar kaj lia edzino Imma testamentis sian posedaĵon al la Monaĥejo Sankt-Galo.
El la 10-a jarcento ekzistas poseddokumentoj de la Monaĥejo Einsiedeln kaj de la Abatejo Disentis. Poste la komunumo fariĝis posedaĵo de la Libersinjoroj de Hohensax. Ilia posedaĵo transiris en la 14-a jarcento al la Habsburgoj kaj poste al la zurikaj sinjoroj de Bonstetten.
Dum la Malnova Zurika Milito en Gams okazis batalo inter apencelanoj kaj togenburganoj unuflanke kaj aŭstroj aliflanke, kiu finiĝis per aŭstra venko. En la jaro 1497 la gamsanoj aĉetis sian liberecon kaj submetiĝis sub regado de la Svisa Ĵurkomunumo per la lokoj Glaruso kaj Ŝvico. Gams fariĝis parto de la voktejo Gaster.
Eksteraj ligiloj
redakti- Oficiala retejo de la komunumo Gams
- Gams en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Gams – (Kolekto de bildoj kaj plurmediaj dosieroj)