Gbeglo Koffi
GBEGLO Koffi (naskiĝis en 1957) estas togolanda esperantisto, instruisto pri matematiko, gvidanto de privata lernejo «Instituto Zamenhof» (kie infanoj lernas esperanton) kaj nacia sekretario de la Federacio de privataj lernejoj en Togolando. Li ankaŭ estis estrarano de la Universala Esperanto-Asocio 1998–2004.
| Gbeglo Koffi | |
|---|---|
 Gbeglo Koffi en aprilo 2004 | |
| Persona informo | |
| Naskiĝo | 1957 |
| Lingvoj | Esperanto |
| Nacieco | togolanda |
| Ŝtataneco | Togolando 
|
| Okupo | |
| Okupo | esperantisto
|
| Esperanto | |
| Aliaj aktivaĵoj | vidu tekste |
Esperanto
redaktiDelegito de la Universala Esperanto-Asocio (UEA) ekde 1986, ĉefdelegito de 1993, de 1998 ĝis 2004 li estis UEA-estrarano. Li estas ano de Internacia Rajtigita Ekzamenantaro (IRE) por la Internaciaj Ekzamenoj de ILEI/UEA; li ankaŭ multe kontribuis al Kontakto kaj Monato. Krome li estis membro de la Akademio de Esperanto.
En Togolando li estis vicprezidanto de Unuiĝo Togolanda por Esperanto, kies bultenon Alvoko li redaktas. Krome li reprezentis UTE en la Komitato de UEA kaj TIETo en la Forumo de la Esperanta Civito.
Verkoj
redaktiElekto de verkoj:
- Mi vizitis grandan urbon (1989)
- De vilaĝo al ĉefurbo (1993)
- Prenu plu! (1995, lernolibro)
- La tabelo (1997, gramatika eseo)
- Esperantujismo (2016)