Ruth Ellis
Ruth Ellis (9 Hydref 1926 – 13 Gorffennaf 1955) oedd y ferch olaf i ddioddef y gosb eithaf yn y Deyrnas Unedig.
| Ruth Ellis | |
|---|---|
| Ganwyd | 9 Hydref 1926  Y Rhyl |
| Bu farw | 13 Gorffennaf 1955 o crogi Llundain |
| Dinasyddiaeth |  Cymru |
| Galwedigaeth | model |
Ganed hi fel Ruth Neilson yn y Rhyl. Roedd ei mam, Bertha, yn ffoadur o Wlad Belg, a'i thad, Arthur Hornby, yn ganwr soddgrwth o Fanceinion. Symudodd y teulu i Lundain yn 1941.
Yn 1953, roedd yn gweithio fel rheolwraig clwb nos, pan gyfarfu a David Blakely. Datblygodd carwriaeth rhyngddynt, ond erbyn dechrau 1955, roedd ef yn dechrau colli diddordeb. Ar 10 Ebrill 1955, saethodd Ruth chwech ergyd o rifolfyr ato y tu allan i dafarn Magdala [1], a chyhoeddwyd ef yn farw yn yr ysbyty.
Wedi ei chael yn euog o lofruddiaeth mewn prawf yn yr Old Bailey yn Llundain, condemniwyd hi i farwolaeth. Codwyd deiseb yn gofyn am drugaredd iddi, ond gwrthododd yr Ysgrifennydd Gwladol, Gwilym Lloyd George, ymryrryd. Gorfodwyd Pennaeth y Carchar i alw am gymorth ychwanegol wrth yr heddlu pan ddaeth torf o 500 i du allan y carchar. Llwyddodd canran o'r protestwyr i dorri drwy linell yr heddlu, gan daro ar ddrws y carchar yn galw ar Ellis i weddïo gyda hwy.[1]
Cyrhaeddodd y dienyddiwr, Albert Pierrepoint, yn y carchar y diwrnod cynt ar ôl iddo deithio o Preston, Swydd Gaerhirfryn. Roedd torf wedi ymgynnull o amgylch Carchar Holloway i aros am y dienyddiad. Fe'i crogwyd hi yn y carchar 18 munud yn ddiweddarach a rhoddwyd y wybodaeth am ei marwolaeth y tu allan i'r carchar.[1]
Cyfeiriadau
golygu- ↑ 1.0 1.1 1.2 1955: Ruth Ellis hanged for killing lover Gwefan BBC On This Day. Adalwyd ar 26-02-2010