Gorllewin Affrica

Rhanbarth mwyaf gorllewinol cyfandir Affrica yw Gorllewin Affrica neu Affrica Orllewinol fel y'i gelwir weithiau. Yn ddaearwleidyddol, diffinnir y rhanbarth gan y Cenhedloedd Unedig fel y 16 gwlad canlynol:

     Gorllewin Affrica (isranbarth CU)      Maghreb

Benin Bwrcina Ffaso Cabo Verde Arfordir Ifori Gambia Ghana

Guinée Gini Bisaw Liberia Mali Mawritania

Niger Nigeria Senegal Sierra Leone Togo

Mae'r Maghreb, gair Arabeg sy'n golygu "gorllewinol", yn rhanbarth yng ngogledd-orllewin Affrica sy'n cynnwys Moroco ( a Gorllewin Sahara), Algeria, Tiwnisia, ac (weithiau) Libia (gwelwch Gogledd Affrica). Nid yw'n cael ei hystyried yn rhan o Orllewin Affrica oherwydd gwahaniaethau sylweddol mewn iaith, diwylliant a hanes, er bod yr hen lwybrau masnach traws-Saharaaidd ac Islam, i ryw raddau, yn ddolen gyswllt rhwng y rhanbarthau hyn.

Mae'r isranbarth CU hefyd yn cynnwys ynys Sant Helena, tiriogaeth dramor Prydeinig yn ne'r Cefnfor Iwerydd.