Deira

	Deira
	Location of Rouantelezh Deira
Kêr-benn	Dianav
Yezh(où)	Hensaozneg
Gouarnamant	Monarkiezh
Istor
- Krouidigezh gant an Angled	VIvet kantved
- Staget ouzh Bernikia	679

The printable version is no longer supported and may have rendering errors. Please update your browser bookmarks and please use the default browser print function instead.

Ur rouantelezh angl en hanternoz Bro-Saoz etre dibenn ar V^vet kantved ha deroù ar VI^vet kantved e oa Deira (pe Derenrice pe Dere en hensaozneg).

En em astenn a rae eus an Humber betek an Tees hag eus ar mor betek ar Vale of York. Hervez Simeon of Durham ez ae betek an Tyne met gouez e oa ar vro goude an Tees. E gêrbenn gentañ a oa war-dro Pocklington moarvat, met dilec'hiet e voe da York goude aloubidigezh rouantelezh Ebrauc gant Edwin Northumbria.

Gerdarzh

Un anv brezhonek (pe predenek) e vefe, pe diwar Deifr (doureier) pe diwar Daru (derv). Talvezout a rafe "tud an Derwent", ar ger en deus roet an anv-lec'h Derventio.

Istor

Roue kentañ Deira a anavezer a oa Ælla met moarvat e oa Angled o chom er vro abaoe ar marevezh roman. Hervez ar C'hronik angl-ha-saoz en-defe Ælla skrapet ar vro digant ar Vrezhoned e 581 goude marv Peredyr Arueu Dur en un emgann a-enep tud Bernicia. Goude marv Ælla ez eas e rouantelezh gant Æthelfrith, roue Bernicia, a unvanas an div rouantelezh dindan an anv Northumbria.

Adkrouet e voe rouantelezh Deira gant Edwin Northumbria. Aloubiñ a reas Bernikia buanik hag adkrouiñ Northumbria. Derc'hel a reas e benngêr e York, avat.

Rouaned

Ælla (roue Deira), roue kentañ Deira.
Æthelfrith Northumbria

Daveoù

Geake, Helen & Joanthan Kenny (eds.) (2000). Early Deira: Archaeological studies of the East Riding in the fourth to ninth centuries AD. Oxford: Oxbow. ISBN 1-900188-90-2
Higham, N.J. (1993). The Kingdom of Northumbria AD 350-1100. Stroud: Sutton. ISBN 0-86299-730-5