gwaz

Brezhoneg

Etimologiezh

Meneget er C'hatolikon (goas).

Da geñveriañ gant ar gerioù gwas en kembraeg, foss en iwerzhoneg, uassos en galianeg (amprestet gant al latin : uassalus).

Anavezet evel anv-tiegezh : Le goas, Folgoas, Goascoz, Goasdoue, Goasduff, Goasguen, Goasmat.

Anv-kadarn

gwaz /ˈgwɑːs/ gourel (liester gwazed, gwersed, gwizien, gwizion)

Den gourel e reizh, deuet d'e vent. (Dre astenn-ster) Den kreñv.
- Hounnezh zo ur gwaz.
- Ur gwaz frammet-mat e oa Yann Derrien, karrez diouzh e benn, karrez diouzh e zivgroazell, karrez krec'h-traoñ ; [...]. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 88.)
- Ur gwaz out. — (Jules Gros, Le trésor du breton parlé Deuxième Partie, 1970, p. 197.)
- Hennezh a oa ur gwaz ma oa unan e Lokemo. — (Jules Gros, Le trésor du breton parlé Troisième Partie, 1974, p. 23.)
- Fulup a oa ur gwaz, ar sort n'eus ket nemeur. — (Jules Gros, Le trésor du breton parlé Troisième Partie, 1974, p. 23.)
- Er-maez anezhi e tiflukas da gentañ ur gwaz e-tro daou-ugent vloaz, [...]. — (Edouarzh Ollivro, troet gant Jakez Konan, Pikoù Mab e Dad, Mouladurioù Hor Yezh, 1983, p. 11.)
- Da garout eveldon, Itron, n'ez eus bet gwaz. — (Molière, An Dengasaour, troet gant Serj Richard, Mouladurioù Hor Yezh, 2013, p. 51.)
(Ent strizh) Paotr dimezet,ozhac'h, enebet ouzh gwreg
- [...] ? Ar gwaz a dle sentiñ ouzh e wreg. [...] ! — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 43.)
- Aet eo digant he gwaz. — (Jules Gros, Le trésor du breton parlé Deuxième Partie, 1970, p. 197.)
- Kemeret he deus kaz ouzh he gwaz. — (Jules Gros, Le trésor du breton parlé Deuxième Partie, 1970, p. 242.)
- Danvez he gwaz. — (Jules Gros, Le trésor du breton parlé Deuxième Partie, 1970, p. 197.) : danvez he fried, he fried da vezañ.
Kozh Mevel.
Istor Den a zalc'he douar dindan an aotrou.
- Gwizien feal.