Pedrog

Pereg, pe Pedrog (hervez e anv kembraek a vremañ), pe Petrog (hervez ar stumm kerneveurek, ha Petrock er stumm saoznekaet), a zo ur manac'h ha sant kembreat eus ar Vvet pe VIvet kantved hag a eas da avieliñ Domnonea gozh. Unan eus sent veur Kernev-Veur eo, ha paeron banniel Devon, a zo anvet Banniel Sant Petroc‎). Anavezet eo ivez evel Perreux e Breizh-Uhel. Dont a ra e anv eus an anv latin Petrus, a oa hini an abostol. Lidet e vez d'ar 4 a viz Mezheven.

Banniel Devon, anvet ivez "*Kroaz Sant Petroc*"

Ganet e oa e Kembre, ha kelennet e voe en Iwerzhon. Sant Kevin a voe diskibl dezhañ eno a-hervez. Goude e teuas da Zomnonea. Diazezañ a reas manati Padstow, ma voe o chom pell amzer, ha hini Bodmin ma varvas e 564 ha ma vez enoret.

Priñs kembreat

Hervez ur vojenn a Gembre e oa mab yaouankañ ur priñs eus Morgannwg, eus an tiegezh Glywys Cernyw eus rouantelezh vrezhon Glywysing. Roet en dije e anv da gêriadenn Llanbedrog, e ledenez Llŷn, en hanternoz Kembre, ha da Llanbedrog e Sir Benfro.

E Breizh

Diwar e anv e teu anv parrezioù Lopereg ha Sant-Pereg.

E Devon

Levrlennadur

Bowen, E.G. (1977). Saints, seaways and settlements. University of Wales Press
Carter, Eileen. (2001). In the Shadow of St Piran
Doble, G. H. (1965). The Saints of Cornwall. Dean & Chapter of Truro.
Orme, N. (1991) Unity and Variety: A History of the Church in Devon and Cornwall ISBN 0859893553
Orme, N. (1992) Nicholas Roscarrock's Lives of the Saints ISBN 0901853356
Orme, N. (1996) English Church Dedications: With a Survey of Cornwall and Devon, Gwasg Prifysgol Exeter ISBN 0859895165
Orme, N. (2000) The Saints of Cornwall, Gwasg Prifysgol Rhydychen ISBN 0198207654

Liammoù

Diwar e benn Early British Kingdoms: St. Petroc
Manati Sant Petroc e Kembre: Saint-Petroc Monastery
Iliz Saint Petrox, e Kembre: Moncton Rectorial Benefice