Gevred

Ar Gevred a zo unan eus an eizh avel, rag-enep d'ar Gwalarn emañ hag a-skouer d'ar Mervent en un tu, ha d'ar Biz en un tu all. War rod an avelioù e weler ar roud-avel-se etre ar Su hag ar Reter.

Kavet e vez e pep douar un takad a zo er Gevred dezhañ hag e meur a vro ez eur kustum d'ober gant ar ger Gevred hep resisaat muioc'h:

E Gevred Breizh emañ Bro-Naoned hiziv.
E Gevred Bro-C'hall emañ ar rannbarzh a zo e Su Lyon.
E Gevred Breizh-Veur ha Bro-Saoz emañ ar rannvro m'emañ Londrez enni.
E Gevred Azia, pe Gevredazia, e kaver ar broioù a zo e Su Bro-Sina war aodoù ar Meurvor Habask ha darn eus Meurvor Indez.