Арытмія
Арытмія (стар.-грэц. ἀρρυθμία — няўзгодненасьць) — парушэньне частасьці, рэгулярнасьці і пасьлядоўнасьці сардэчных скарачэньняў. Выклікаецца ішэміяй сэрца, інфэкцыяй, запаленьнем празь зьмену тэмпэратуры цела, парушэньнем дзейнасьці шчытападобнай залозы і гіпэртаніяй.
Папярэджаньне
[рэдагаваць | рэдагаваць крыніцу]Узьнікненьне немачы прадухіляе штодзённае разьмінаньне, плаваньне і пешыя прагулкі. Карысна штодня ўжываць багатыя на каль гародніну і садавіну (абрыкосы, бананы, печаная бульба, курага і разынкі), рыбу дзеля тлустых кісьляў амэга-3 у рыбіным тлушчы. Таксама варта пазьбягаць паленьня і стрэсу, ужыцьця моцнай гарбаты, кавы і сьпірту, падыманьня цяжкіх прадметаў і перасоўваньня мэблі.
Чыньнікі
[рэдагаваць | рэдагаваць крыніцу]Разьвіцьцю хваробы спрыяе сытная ежа, цеснае адзеньне, запор, укус вусяка, стрэс, паленьне, ужыцьцё сьпірту і цукровы дыябэт у спалучэньні з атлусьценьнем і павышаным артэрыяльным ціскам.
Праявы
[рэдагаваць | рэдагаваць крыніцу]Хвароба выяўляецца праз страту прытомнасьці, адчуваньне слабасьці, запамароку, боль і сьцісканьне ў грудзях, дыхавіцу і пачашчанае дыханьне[1].
Віды
[рэдагаваць | рэдагаваць крыніцу]Вылучаюць шэраг відаў арытміі: 1) тахікардыя (стар.-грэц. ταχύς + καρδία — хуткі + сэрца) — сэрцабіцьцё звыш 100 удараў за хвіліну, 2) брадзікардыя (стар.-грэц. βραδύς + καρδιά — павольны + сэрца) — пульс менш як 60 сардэчных скарачэньняў за хвіліну, 3) міргальная — нерытмічныя і бязладныя скарачэньні сардэчнай цягліцы (пагроза тромбаэмбаліі, разьвіцьцё сардэчнай недастатковасьці), 4) экстрасысталія — пазачарговае скарачэньне сэрца або яго аддзелаў, 5) блякада сэрца — парушэньне правядзеньня імпульсу праз анатамічнае або функцыянальнае пашкоджаньне праводных шляхоў сэрца[2].
Крыніцы
[рэдагаваць | рэдагаваць крыніцу]- ^ Вольга Цыбульская. Шматаблічная арытмія // Краіна здароўя. — 19 лістапада 2009. — № 47 (161). — С. 5.
- ^ Сьвятлана Барысенка. Ня той рытм у сэрца // Зьвязда : газэта. — 20 ліпеня 2013. — № 133 (27498). — С. 4. — ISSN 1990-763x.
![]() |
Гэта — накід артыкула па мэдыцыне. Вы можаце дапамагчы Вікіпэдыі, пашырыўшы яго. |