Oscar Pistorius
Si Oscar Leonard Carl Pistorius (namundag, Nobyembre 22, 1986)) sarong sprint runner na taga South Africa. Putol an duwang tabay poon ibaba kan tuhod kan edad onseng bulan pa sana alagad nakiki-umbas sa mga padaraogan nin pagpareha nin mga putol ibabang-tuhod asin sa mga atletang mayong kakundian.
Nagin nang kampeon sa Paralympics, si Pistorius nagbali sa mga pankinaban na kompetisyon kan mga atletang mayong kadi'nan apesar pirang beses nagsayuma saiya an International Association of Athletics Federations (IAAF) ta sinasabing an artipisyal niyang tabay-bitis nagtataong bintahe sa saiya. Alagad sa legal na pakitusay niya sa bagay na ini, siya nanginbabaw asin tinugot kan Court of Arbitration for Sport, kun saen dinara niya an saiyang pag'apela, an pag'ayon niya sa kompetisyon.[1] Sa kompetisyon nin mga mayong kakundian sa 2011 World Championships in Athletics, siya an pinakaenot na atletang amputee nakasikwit nin medalya.
Si Pistorius an pinaka-enot na amputee sa tabay na nag'ayon sa 2012 Summer Olympics asin nakakua nin medalyang bulawan sa 400 metro relay race asin sa 4 x 100 relay asin sa duwang umbasan na ini nagpako siyang bagong world record. Sa 200-meter na umbasan, nakasikwit siya nin medalyang pirak sa nasabing Olympics.[2]
Kaso isina'ngat kontra ki Pistorius sa panggagadan sa kailusyon
baguhonKan Pebrero 2013 si Pistorius nabadil-gadan an saiyang kailusyon, si Reeva Steenkamp sa saiyang harong sa Pretoria asin sinabi niya namaloan niyang para'bon. Inaresto siya huli kan pangyayaring ini asin sinapawan nin kargong murder, o tuyong panggagadan. Kan Oktobre 2014, an huwes na si Thokozile Masipa pigsentensyahan siya nin 5-taon na pagkakulong sa salang "culpable homicide" asin kasabay nasentensyahan nin suspendidong 3-taon pagkapreso sa suway man na pagkakasalang "reckless endangerment" huli sa pagpaputok nin badil sa laog kan restoran.[3][4]
Sentensya
baguhonKan Desyembre 3, 2015 an Korte Suprema nin Pag'aapelar kan Sud Aprika pigbaliktad an conviction saiyang "culpable homicide" asin imbes sinabi kan Korte na guilty siya sa kasa'lan na murder sa pagkagadan ni Reeva Steenkamp.[5]
Siya nasentensyahan nin 13-taon na pagkakulong ta su enot na sentensya saiya kan hababang korte, limang taon sanang pagkakulong asin pinagtubod kan inaapod na Korte Suprema nin Pag'aapelar na sobrang maluag na pagsentensya an siring.
Amnestiya
baguhonAlagad, an bagong salidang presidente kan Sud Aprika, si Cyril Ramaphosa (kasangle ni Jacob Zuma na nagdemitir), piggawadan amnestiya si Pistorius na tolos nag'epekto kan Abril 15, 2018.[6]
Mga panluwas na takod
baguhonToltolan
baguhon- ↑ http://www.theguardian.com/sport/2008/sep/17/paralympics20081 Kinua 11-12-14
- ↑ http://www.telegraph.co.uk/sport/olympics/paralympic-sport/9515170/Oscar-Pistorius-I-proved-my-doubters-wrong-with-world-record-in-200m-heats-at-Paralympic-Games.html Kinua 11-12-14
- ↑ http://www.iol.co.za/news/south-africa/gauteng/oscar-gets-5-years-for-reeva-s-death-1.1768243#.VIh1YXtR7Sa Kinua 11-12-14
- ↑ http://www.news24.com/SouthAfrica/Oscar_Pistorius/Oscar-Pistorius-sentenced-to-5-years-in-jail-20141021 Kinua 11-12-14
- ↑ http://www.bbc.com/news/world-africa-34993002 Kinua 5-12-15
- ↑ [1] Archived 2021-04-16 at the Wayback Machine.howaqfrica.com. Kinua 04-23-18
