Apple inc
Apple Inc. inggih punika perusahaan teknologi multinasional sane mapusat di Cupertino, California, sane ngrancang, panglimbakang, lan ngadol barang elektronik konsumen, perangkat lunak komputer, lan layanan daring. Perangkat keras sane kaproduksi Apple sakadi telepon pintar iPhone, komputer tablet iPad, komputer pribadi Mac, pemuter media portabel iPod, jam pintar Apple Watch, pemuter media digital Apple TV, lan pengeras suara pintar HomePod. Perangkat lunak sane kaproduksi Apple minakadi sistem operasi macOS lan iOS, pemuter media iTunes, penjelajah web Safari, lan perangkat kreativitas lan produktivitas iLife lan iWork, taler makudang-kudang aplikasi profesional kadi Final Cut Pro, Logic Pro, lan Xcode. Layanan daringnyane sakadi iTunes Store, iOS App Store lan Mac App Store, Apple Music, lan iCloud.
Apple kaadegang olih Steve Jobs, Steve Wozniak, lan Ronald Wayne ring bulan April 1976 antuk panglimbakang lan ngadol komputer pribadi Apple I sane kabuat olih Wozniak. Perusahaan puniki resmi kaadegang antuk aran Apple Computer, Inc. Ring bulan Januari warsa 1977. Komputer-komputer sane kaadol, miwah Apple II, nyetusang pertumbuhan perusahaan puniki. Ri sampune kalih warsa mamargi, Jobs lan Wozniak maduwe akeh perancang komputer lan maduwe lini produksi. Apple dados perusahaan terbuka ring warsa 1980 lan polih laba sane ageng. Selami makudang warsa salanturnyane, Apple memproduksi komputer-komputer anyar sane maduwe antarmuka pengguna grafis inovatif sakadi Macintosh kapertama warsa 1984. Iklan produk Apple polih akeh pujian. Sakemaon, harga produknyane sane mael lan perangkat lunak sane kidik manadosang sumber perpecahan ring petinggi perusahaan. Ring warsa 1985, Wozniak medal saking Apple lan Jobs mengundurang diri. Jobs ngajakin makudang karyawan Apple lan ngadegang perusahaan anyar ring warsa salanturnyane, NeXT.
Kawentenan panglimbakang pasar komputer pribadi, akeh komputer Apple sane kaadol medikang santukan para pesaingnyane ngadol produk sane pinih mudahan, terutama komputer sane ngangge sistem operasi Microsoft Windows. Perombakan petinggi Apple terus mamargi kantos CEO Gil Amelio memutusang ring warsa 1997 antuk numbas NeXT lan ngajakin Jobs mawali ka Apple. Jobs mawali memimpin perusahaan lan kaangkat dados CEO. Ia ngawit ngawangun status Apple antuk ngabuka toko ritel ring warsa 2001, mengakuisisi makudang perusahaan perangkat lunak antuk ngawangun portofolio perangkat lunak Apple, lan mengubah atengahan perangkat keras sane kaangge olih komputer-komputernyane. Apple mawali sukses lan untung sane ageng. Ring Januari 2007, Jobs mengumumang yening Apple Computer, Inc. magentos dados Apple Inc. antuk mencerminang peralihan fokus perusahaan ka barang elektronik konsumen. Ia taler maluncurang iPhone, telepon pintar sane polih akeh pujian lan laris kaadol. Ring Agustus 2011, Jobs mundur saking jabatannyane maka CEO santukan wenten wicara kesehatan lan kagentos olih Tim Cook. Kalih bulan salanturyane, Jobs nenten kari. Kematiannyane maka pangawit era anyar ring perusahaan puniki.
Pendapatan tahunan global Apple kantos $229 miliar ring tahun fiskal 2017. Apple maka perusahaan teknologi informasi sane pinih ageng di dunia manut pendapatan lan produsen telepon genggam terbesar ketiga di dunia ri sampun Samsung lan Huawei.[1] Ring Agustus 2018, Apple dados perusahaan terbuka A.S. kapertama sane nilainyane di atas US$1 triliun.[2] [3]Perusahaan puniki mempekerjakan 123.000 karyawan purnawaktu lan maduwe 504 toko ritel di 24 negara kantos 2018.[4] Apple mengoperasiang iTunes Store, pangadolan musik pinih ageng ring jagate. Kantos Januari 2018, lebih saking 1,3 miliar produk Apple kaangge antuk aktif ring jagate. [5]Perusahaan puniki maduwe pelanggan antuk kesetiaan merek sane akeh lan berkali-kali polih gelar merek paling bernilai di dunia. Sakemaon, Apple maduwe akeh kritik antuk praktik tenaga kerja olih para kontraktornyane, dampak lingkungan lan praktik bisnisnyane, taler sikap anti-persaingan, taler sumber bahan-bahan produknyane.
- ↑ Gibbs, Samuel (2018-08-01). "Huawei beats Apple to become second-largest smartphone maker". The Guardian (ring Inggris). ISSN 0261-3077. Kaaksés 2024-08-18.
- ↑ Salinas, Sara (2018-08-02). "Apple hangs onto its historic $1 trillion market cap". CNBC (ring Inggris). Kaaksés 2024-08-18.
- ↑ Davies, Rob (2018-08-02). "Apple becomes world's first trillion-dollar company". The Guardian (ring Inggris). ISSN 0261-3077. Kaaksés 2024-08-18.
- ↑ "Apple Retail Store - Store List". Apple (ring Inggris). Kaaksés 2024-08-18.
- ↑ "Apple Now Has 1.3 Billion Active Devices Worldwide". MacRumors (ring Inggris). 2018-02-01. Kaaksés 2024-08-18.