Nadejda Sigida

Nadejda Sigida

1862-1889

Rossiaf tavesik isu artowasik

Nadejda Konstantinovna Malaksiano kurerayolton gu Sigida ( rossiavon Наде́жда Константи́новна Малаксиа́но, Сиги́да ) tiyir rossiaf artowasik. Koe Taganrog vagee Rossia bak 1862 kobliyir. Ba 08/11/1889 koe xalta ke Kara koe Sibiria kan jiva kser. Blirizva Nadejda Malaksiano tiyir vey ellasafa kazafa yasa kotgrupafa ke Taganrog widava lize dene sardikyafa Marinski olda vayayar. Kaiki olda, va yasegafa bema fenkur. Va Narodnaya Volya grustaks bak 1883 yoter aze mali 1885 va birgotafe rubiaxe inkeyene koe intafa kraba viunsur. Nadejda va ar bewik ke grustaks bak anyusteaksat ke 1885 yerumar, i va Akim Stepanovitc Sigida felabunesik, nume va inaf yolt di narar. Birgotafe rubiaxe ba 22/01/1886 mielon zo kowir numen Nadejda Sigida is yerumanik zo soped. Jontik artowas tulok isu biun sanegaks zo vannarid. Nadejda do aryon birgotik bal aptaf frugot ke Jiz ke Don gola ( Донской процесс ) zo malyerotar. Gu xonuka zo lanzar, azen nope malyegara ke yasa, gakeks gu poana kobara vas anustda zo nuner. Folva ke Kara Xe koe xalta ke Kara, 1891 Koe xalta ke Ust-Kara, ba 31-e ke anyusteaksat ke 1889, bal tegira kevotcesa va debala ke gaderopafa flintikya is udutuca ke Masyukov xaltadirgasik isu wavidura, Nadejda Sigida va bantan sanegon kavalkur. Kan decemoya asorara bokson di zo ester. Moi bata volayafa askipera, kan morfina buca vas dugapa jivakser. Inafa xonukera tir maluta ke folva ke Kara viele 23 gaderopaf flintik doon laksed, kevotceteson va favera va poara is altofa tigara. Koton, balemoya ayikya is toloye ayikye xonuked : Nadejda Sigida ba 08/11 az Maria Kalyujnaya is Nadejda Smirnitskaya is Maria Kovalevskaya ba 10/11 az Ivan Kalyujni is Sergey Boboxov ba 16/11. Bak 1930 Nikolay Kasatkin yambik va trutca vergumvelton gu Sigida ( Folva ke Kara ) lingeyer, i va trutca kaatoesa va bata bifa is monedisa va gradiluca is listuca ke inafa wetara. Dere rupec ► Rossiafa artowasikya Vuestexeem (ru) « Сигида Надежда Константиновна », Исторический Таганрог (ru) « Сигида Н. К. », Энциклопедия Забайкалья (ru) Деятели СССР и революционного движения России. Энциклопедический словарь, Moskva, Советская энциклопедия,‎ 1989 (1925), 832 p., ISBN 5-85270-028-2 (ru) S. Smirnov, « Кара. Осенью 1889 года 20 политзаключенных в знак протеста одновременно приняли смертельные дозы морфия », Медиазона (ru) Hernet M. N., История царской тюрьмы, t. 3 (1870—1900), Moskva,‎ 1961 (ru) I. Stepanovitc, Дневник карийца, Sankt Peterburg,‎ 1906 (ru) N. Rostov, Карийская трагедия, Moskva,‎ 1927 (ru) Карийская трагедия 1889 г. (Воспоминания и материалы), Petrograd,‎ 1920 (ru) P. Ivanovskaya, « Документы о смерти Сигиды », Каторга и ссылка, n°11 (60),‎ 1929 (ru) I. Kovalskaya, « К статье Ивановской о Сигиде », Каторга и ссылка, n°11,‎ 1929

Nadejda Sigida  Koblira  1862,  Taganrog, Rossia  Awalkera  08/11/1889,  Ust-Kara, Sibiria, Rossia  Vedeyot  Rossia  Tegira  Galbedus artowasik   Bifa  Narodnaya Volya grustaks Kara xalta, 1889   Tuveli icde Izvopa  Folva ke Kara, trutca ke Nikolay Kasatkin, 1930 Gexata ke Nadejda Sigida