Islles Márxal

Islles Márxal
	estáu soberanu
bandera de les Islles Márxal	escudu de les Islles Márxal
Himnu nacional	Forever Marshall Islands (es) ;
Alministración
Nome oficial	Marshall Islands (en); Aolepān Aorōkin M̧ajeļ (mh)
Protectoráu	Nueva Guinea Alemana
Capital	Mayuru
Presidente de les Islles Márxal	Hilda Heine (dende 3 xineru 2024)
Presidente de les Islles Márxal	Hilda Heine (dende 3 xineru 2024)
Llingües oficiales	inglés ; Marxalés
División	ver Atolón d'Ailinginae, Atolón d'Ailinglaplap, Atolón d'Ailuk, Atolón d'Arno, Atolón d'Aur, Atolón de Bikar, Atolón Bikini, Atolón Ebon, Atolón d'Enewetak, Atolón d'Erikub, Islla Jabat, Atolón de Jaluit, Islla de Jemo, Islla de Kili, Kwajalein, Atolón de Lae, Islla de Lib, Atolón de Likiep, Mayuru, Atolón de Maloelap, Islla de Mejit, Atolón de Mili, Atolón de Namdrik, Atolón de Namu, Atolón de Rongelap, Atolón de Rongerik, Atolón de Bokak, Atolón de Toke, Atolón d'Ujae, Atolón d'Ujelang, Atolón d'Utirik, Atolón de Wotho y Atolón de Wotje;
Rellaciones diplomátiques	ver Paláu ; Estaos Federaos de Micronesia ; Taiwán ; Estaos Xuníos ; Alemaña ; República Popular China ; ;
Miembru de	ver Organización de les Naciones Xuníes (17 setiembre 1991); Bancu Internacional de Reconstrucción y Fomentu (21 mayu 1992); Asociación Internacional de Fomentu (19 xineru 1993); Corporación Financiera Internacional (23 setiembre 1992); Estaos d'África, del Caribe y del Pacíficu ; Alianza de Pequeños Estados Insulares (es) ; Bancu Asiáticu de Desarrollu (1990); Interpol (27 setiembre 1990); Organización pa la Prohibición d'Armes Químiques (18 xunu 2004); UNESCO (30 xunu 1995); Xunión Internacional de Telecomunicaciones (22 febreru 1996); Organización Mundial de la Salú ; ;
Xeografía
Coordenaes	9°49′N 169°17′E / 9.82°N 169.29°E
Superficie	181 km² (puestu 222)
Costes	340,4 km
Llenda con	0 km
Puntu más altu	Atolón de Likiep
Puntu más baxu	Océanu Pacíficu
Demografía
Población	53 127 hab. (2017)
Densidá	292,82 hab/km²
Xentiliciu	marxalés; marxalesa
Esperanza de vida	65,23902 años
IDH	0,639 (2021)
Tasa de fertilidá	4,05 (2011)
Economía
Moneda	dólar de los Estaos Xuníos y SOV (en)
PIB nominal	259 538 700 $ (2021)
Bancu central	ensin valor
Más información
Dominiu d'Internet	.mh
Códigu telefónicu	+692
Códigu ISO	584 / MHL / MH
Estaya horaria	UTC+12:00, Pacific/Kwajalein (en) y Pacific/Majuro (en)

Les Islles Márxal^[8], oficialmente República de les Islles Márxal, ye una nación que la so independencia en 1986 la convirtió nún de los países más nuevos d'Oceanía. Formó parte del Territoriu en Fideicomisu de les Islles del Pacíficu y tuvo suxetu baxo l'alministración de los Estaos Xuníos, sicasí, pue considerase como un protectoráu d'esti país. Ta compuestu por dos archipiélagos y dalgunos arrecifes qu'en total sumen unes 1.152 islles del Pacíficu. Allúgase al nordeste d'Australia, específicamente al norte de Nauru y al este de Micronesia.

La capital ye Delap-Uliga-Djarrit y ta allugada nel atolón Mayuru.

Historia

Les Islles Márxal foron colonizaes pel segundu mileniu eC polos micronesios, anque ye bien poco lo que se sabe de la so historia. L’esplorador español Alonso de Salazar foi’l primer europeu n’avistales, pero permanecieron esconocíes dica l'aportada del inglés John Marshall, en 1788. Les islles tomen el nome na so honra.

Una empresa comercial alemana asentóse nes islles en 1885 y poco años depués convirtiéronse nel protectoráu de Nueva Guinea Alemana. Demientres la Primer Guerra Mundial, Xapón conquista les islles baxo la xestión alemana y va alministrales d'alcuerdu a un mandatu de la Lliga les Naciones.

Na Segunda Guerra Mundial, Estaos Xuníos ocupa les islles en 1944 ya les incorpora al Territoriu en Fideicomisu de les islles del Pacíficu. Ente 1946 y 1957 usa les islles como campu de pruebes nucleares, llegando a entamar 67 detonaciones. La mayor prueba de toes, conocida como Castle Bravo, causó l'envenenamientu d'una parte considerable de población y con efeutos nel mediu ambiente.

En 1976 la República de les Islles Márxal foi establecida con un alcuerdu de llibre asociación que tendría vixencia de magar 1986. En 1990 termina oficialmente’l fideicomisu sobre’l territoriu configurándose como una nación llibre.

Xeografía

Les Islles Márxal asiéntense sobre antiguos volcanes merguyaos que s’eleven dende’l fondu oceánicu. La tierra emerxío como atolones ya islles preséntense en forma de dos grupos: el de Ratak (alborecer) y el de Ralik (atapecer). Les dos cadenes d'islles atópense aproximao paraleles ente sí, corriendo de noroccidente a sureste. Comprenden unos 1.900.000 km² d'océanu pero namás unes 180 km² de tierra.

El país consiste nun total de 29 atolones y cinco islles aisllaes. L’atolón más grande ye’l de Kwajalein.

Organización político-alministrativa

Les Islles Márxal dixébrense alministrativamente en dos distritos: cadena Ralik, al occidente, y cadena Ratak, al oriente. Cada distritu confórmenlu los atolones ya islles enumberaes darréu:


	Cadena Ralik	Cadena Ratak
Atolones	Ailinginae	Ailuk
	Ailinglaplap	Arno
	Bikini	Aur
	Ebon	Bikar
	Enewetak	Bokak
	Jaluit	Erikub
	Kwajalein	Likiep
	Lae	Mayuru
	Namdrik	Maloelap
	Namu	Mili
	Rongerik	Nadikdik o Knox
	Rongelap	Toke o Taka
	Ujae	Utirik
	Ujelang	Wotje
	Wotho

Islles	Jabat	Jemo
	Kili	Mejit
	Lib

Tresporte

Les Islles Márxal tienen varios aeropuestos pequeños y pistes d'aterrizaxe. Destaca l'Aeropuertu Internacional d'Islles Márxal en Marujo onde operen Air Marshall Islands, United Airlines, Our Airline y Asia Pacific Airlines.

Economía

Les Márxal tienen mui pocos recursos naturales, superando la cifra de les importaciones ampliamente a la de les esportaciones.

L’agricultura encóntiase en granxes pequeñes. El productu comercial más importante ye la copra, siguida pol cocu, l'árbol de la fruta, pandanus, banana, taru y maranta. El ganao consiste principalmente en gochos y pitos.

La pesca ye un sector importante. En Mayuru allúgase un importante puertu mundial de tresbordu, procesamientu y esportación del bonitu.

La industria esiste en pequeña escala, llendada a artesanía y procesamientu de pescao y copra. El turismu amuesa un mayor espollete nestos caberos años.

En Mayuru ta esperimentándose una alternativa a los combustibles fósiles encontiada nel aceite de copra.

Demografía

D’alcuerdu cola estadística del añu 2003, la población del archipiélagu ascendía a 56.429 habitantes. La esperanza de vida nun supera los 67 años y mediu nos homes nin los 71 años y mediu nes muyeres.

Cultura

Los marxaleses foron espertos navegadores, usando les estrelles y mapes de conches pa la so orientación. Anguaño, eses habilidaes tán en declive.

Tamién nel pasáu tuvo mui presente l'arte del tatuaxe. Por esti motivu, la espedición d'Álvaro de Saavedra que desembarcó nun arrecife al nooeste de les islles apellidóles Islles de los Pintaos y prindaron dellos nativos p'amosalos na Corte española.

Referencies

↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
↑ URL de la referencia: http://www.unesco.org/eri/cp/ListeMS_Indicators.asp.
↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
↑ Aplícase a esta parte: masculín singular.
↑ Aplícase a esta parte: femenín singular.
↑ ^8,0 ^8,1 (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

Enllaces esternos

	Países d'Oceanía
Australia \| Islles Fixi \| Islles Cook \| Kiribati \| Marianes del Norte \| Islles Márxal \| Micronesia \| Nauru \| Niue \| Nueva Zelanda \| Paláu \| Papúa Nueva Guinea \| Islles Salomón \| Samoa \| Tokeláu \| Tonga \| Tuvalu \| Vanuatu \| Wallis y Futuna

[46ba7d1117c23e8275a37395fe60659c108f478b-1] URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.

[df7cc65ec8bb3586eb4b81929074565218319925-2] URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.

[f5c12680fb5264add4b1989cb365be3c1db8d84f-3] URL de la referencia: http://www.unesco.org/eri/cp/ListeMS_Indicators.asp.

[6b35d061861a13b53082ba67daec3063fb3ba141-4] URL de la referencia: https://www.itu.int/online/mm/scripts/gensel8. Data de consulta: 4 mayu 2019.

[5d0bc4103af0b81a88f15973dc528ce7c0c9f876-5] URL de la referencia: https://www.who.int/choice/demography/by_country/en/. Data de consulta: 21 xunetu 2020.

[fef5f273207976c690a8f98b513b8872d12757de-6] Aplícase a esta parte: masculín singular.

[48015270b000c2742b6789f69b1150597ab7d9d2-7] Aplícase a esta parte: femenín singular.

[Cartafueyu_países-8] 8,0 ^8,1 (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.

[1]

[2]

[3]

[4]

[5]

[6]

[7]

[8]