Asti

Plaza Roma.

Asti ye una ciudá de la rexón de Piamonte, nel noroeste d'Italia, na enllanada del ríu Tanaro a 123 m d'altor sobre'l nivel del mar. La so población d'alcuerdu al censu del añu 2003 ye de 71.500 persones. Ye la capital de la provincia d'Asti.

Hestoria y monumentos

Asti fundóse polos romanos col nome d'Hasta Pompeia. Atopáronse traces d'un primitivu asentamientu celto-ligur previu. Delles seiciones de les muralles de la ciudá romana entá permanecen de pie al norte del cascu urbanu y a finales del sieglu XX unos trabayos de construcción afayaron una seición de la muralla romana nel centru de la ciudá actual.

Asti foi una ciudá bien opulenta y un importante centru comercial mientres la Edá Media. Naquel tiempu rellumaron los financieros, como la familia Mirabello que depués tendría un papel relevante como banqueros y militares en Flandes y na Guerra de los Cien Años, al entroncar por matrimoniu colos Condes de Flandes. Enantes xunieren el so apellíu Mirabello al de Van Halen, al recibir, xuntu al de Perwez pola so esposa, el Señoríu, depués baronía, de Halen. A esta familia que'l so orixe yera Asti pertenecía Frank van Halen que foi investíu Caballeru de la Orde de la Jarretera en 1359 pol Rei Eduardu III d'Inglaterra, fundador de la Orde. L'área al noroeste de la ciudá, ente'l centru y la catedral, ye rica en llugares medievales, cases de mercaderes y munches torres monumentales, que recuerden esa etapa de rellumanza.

Eventos

Unu de los más famosos eventos que tienen llugar n'Asti ye la carrera de Paliu, na que cada pueblu cercanu compite nuna carrera hípica. Esti eventu conmemora una batalla contra la ciudá rival d'Alba, mientres la edá media depués de delles batalles victorioses una carrera yera llevada a cabu alredor de los murios d'Alba, dende entós cada añu n'Asti llévase a cabu'l Paliu».