Llingua materna
La llingua materna, tamién nomada llingua natural, llingua popular, idioma maternu, llingua ñativa y primer llingua, ye'l primer idioma que depriende una persona.
Deprendimientu
editarTolos fonemes non asimilaos nesta primera etapa de la vida producen una sordera llingüística a los términos en llingües estrañes. Xeneralmente, un neñu depriende lo fundamental de la so llingua materna al traviés de la so familia.
L'habilidá nel idioma maternu ye perimportante pal deprendizax d'otros idiomes, pues se creye que la llingua materna ye la base del pensamientu. D'esti mou, una habilidá incompleta nel idioma maternu cásique siempres fai más difícil el deprendizax de segundes llingües. Poro, la llingua materna tien un papel perimportante na educación.
Billingüismu
editarCuando daquién tien dos o más llingües como llingües maternes, dizse que ye billingüe. L'orde nel que se deprendieron estes llingües nun ye ñecesariamente l'orde nel que se manexen. Por exemplu, una pareya catalófona pue tener un fíu que deprendió enantes el catalán qu'otros idiomes, pero si esti fíu creció nuna comunidá autónoma española de fala castellana, ye perprobable que fine por tener un meyor dominiu del castellanu.
El billingüismu ye daqué común en zones de países que tienen más d'una llingua, como por exemplu Asturies.
Curiosidaes
editarSegún la teoría más reciente y aceptada, una llingua materna pue deprendese hasta los 12 años d'edá (Noam Chomsky), depués les habilidaes llingüístiques del falante son estremaes y toa llingua deprendida pasará a ser considerada como una segunda llingua.
Ver tamién
editar
Referencies
editarEnllaces esternos
editar
Wikimedia Commons tien conteníu multimedia tocante a Llingua materna.
Datos: Q36870- Multimedia: Mother Tongue