بطرس الناسك
بطرس الناسك ، او بالفرنساوى پيير الناسك ، او بالإنجليزى پيتر الناسك ، كان راهب مسيحى عاش فى فرنسا فى الفتره اللى نادى فيها بابا الكاتوليك اوربان التانى ( 1095 ) بضرورة تحرير بيت المقدس من الكفار. بيير قدر بإستخدام الدين انه يضحك على الجهال و يستدرجهم لحرب. پيير اللى كان بيتنقل من مكان لمكان و كان عايش على أكل السمك و شرب النبيت و كان شكله مقزز و هدومه وسخه، لكن كانت عنده كاريزما و قدره على جذب الناس و استغلال عواطفهم الدينيه و جهلهم فى اقناعهم بأفكاره و قدر انه يجمع وراه الالاف من فرنسا و المانيا بعد ما أقنعهم إن جاله جواب مكتوب على ورقه من المسيح بإن الكل لازم يروحوا يحرروا بيت المقدس من المسلمين الكفار.
| ||||
|---|---|---|---|---|
  | ||||
| معلومات شخصيه | ||||
| الميلاد | سنة 1050 [1][2][3] | |||
| الوفاة | 8 يوليه 1115 (64–65 سنة)[4][5] | |||
| مواطنه |  | |||
| يوم العيد | 8 يوليه | |||
| الحياه العمليه | ||||
| المهنه | داعيه | |||
| اللغات المحكيه او المكتوبه | لغه فرنساوى [6] | |||
تعديل مصدري - تعديل  | ||||
بعد ما جمع أعداد كبيره من الناس طلع بيهم على بيزنطه عشان يدخل اسيا الصغرى و سبب اتباعه مشاكل كتيره و مدابح فى البلاد اللى عدو عليها. و بعد ما سمح لهم الامبراطور اليكسيوس الاول بدخول الاراضى البيزنطيه دخلوا اسيا الصغرى و قضى عليهم السلاجقه. بطرس نفسه هرب على القسطنطينيه و استنى هناك الحملات المنظمه و طلع معاهم على الشرق لكن ما عدش ليه دور كبير. هرب بالليل مع وليام النجار William the Carpenter من معسكر الصليبيين وقت حصار انطاكيا بسبب الظروف الوحشه فكان هروبهم ليه اثر وحش على الصليبيين اللى كانو بيثقوا فيه لكن تانكرد قدر يقبض عليهم و يرجعهم للمعسكر.
مصادر
تعديل- ↑ مُعرِّف اتحاد مكتبات البحوث الأوروبيَّة (CERL): https://data.cerl.org/thesaurus/cnp02142180 — باسم: Peter (von Amiens) — الناشر: اتحاد مكتبات البحوث الأوروبية — الرخصة: Open Data Commons Attribution License و رخصة المشاع الإبداعي العامَّة المُلزِمة بالنسب لمُؤلِّف العمل 2.0
- ↑ باسم: Piètro l'Eremita — مُعرِّف دي أجوستيني (De Agostini): https://www.sapere.it/enciclopedia/Piètro+l'Eremita.html — الناشر: دي أغوستيني
- ↑ https://www.biografiasyvidas.com/biografia/p/pedro_el_ermitano.htm
- ↑ مُعرِّف موسوعة بريتانيكا على الإنترنت (EBID): https://www.britannica.com/biography/Peter-the-Hermit — باسم: Peter the Hermit — تاريخ الاطلاع: 9 اكتوبر 2017 — العنوان : Encyclopædia Britannica
- ↑ مُعرِّف موسوعة بروكهوس على الإنترنت: https://brockhaus.de/ecs/enzy/article/peter-von-amiens — باسم: Peter von Amiens
- ↑ مُعرِّف النظام الجامعي للتوثيق (IdRef): https://www.idref.fr/050410164 — تاريخ الاطلاع: 1 مايو 2020 — العنوان : Identifiants et Référentiels — الناشر: وكالة الفهرسة للتعليم العالي
- Historia Ilherosolimita, trans. Carol Sweetenham, Ashgate Publishing Limited, England 2006
