Verde
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Verde | ||
|---|---|---|
| Cordenadas de color | ||
| HTML | #008000 | |
| RGB | (r, g, b) | (0, 128, 0) |
| CMYK | (c, m, y, k) | (100, 0, 100, 50) |
| HSV | (h, s, v) | (120°, 100%, 50%) |
O verde ye una color con una lonchitut d'onda d'uns 550 nm. O suyo complementario ye o royo.
Etimolochía
editarL'orichen etimolochico de verde ye o latín VIRIDIS,[1] a traviés de l'acusativo VIRIDEM.
- VIRIDE > verede > verde.
En aragonés l'adchectivo de color verde no gosa tener una forma diferent pa o chenero gramatical feminín,[2][3][4] manimenos una forma analochica verda existió en romance navarro y se podió documentar encara en a Val d'Aragüés a mitat d'o sieglo XX.[5]
O verde en a sociedat
editar- Os ecolochistas gosan emplegar o verde por estar una color frecuent en a naturaleza. Greenpeace, un grupo ecolochista, lo usa por a suya asociación con a vida. Os partius politicos ecolochistas se dicen "partius verdes".
- O verde ye a color tradicional d'o Islam.
- O verde simboliza a preferencia de paso en os semaforos.
- A invidia, un d'os siet pecatos capitals, gosa relacionar-se con o verde.
- En a Edat Meya s'asociaba a o diaple (agora a suya color ye o royo).
- Ye a color de l'asperanza (y por tanto de l'idioma esperanto).
- En a placha, a bandera verde significa: banyo libre.
Referencias
editar- ↑ (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.458
- ↑ (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 111.ISBN 978-84-8094-061-0
- ↑ (es) José Antonio Saura Rami:: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p 134.
- ↑ (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 363.
- ↑ (es) Pascual González Guzmán: El habla viva del Valle de Aragüés. Monografías del instituto de estudios pirenaicos. Zaragoza, 1953, p 76.
