Talaya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una talaya^[1] u atalaya^[1] ye una torraza situada a cierta altaria que permite de fer observacions militars y vichilancia arredol dende un puesto alto y seguro.

**Talaya de la Encantada**, una torre situada en Huéscar (Granada) construita en lo periodo nazarín.

Las talayas yeran caracteristicas de las mugas d'Al-Andalus, incluyida la "Marca Superior" (val d'Ebro) en tiempos de la reconquiesta. En algarabía existió una denominación qubba pa las torres cilindricas chicas que cayó en desuso por la cheneralización de la palabra aṭṭaláya‘,^[2] que deriva de l'arabe clasico al talayi^c. En la muga que s'establió por lo Pacto de Chaén (1246) entre la Corona de Castilla y lo Reino Nazarín de Granada bi heba un important sistema de talayas.

Talayas en Aragón

Lo concepto entró en las luengas iberorromanicas como l'aragonés con las formas talaya u atalaya, y mesmo en basco (talaia). Dimpués de la reconquiesta navarro-aragonesa de la val d'Ebro y Sistema Iberico la palabra talaya permaneixió como formant en bel toponimo,^[3] y prenió tamién un significau oronimico secundario.^[4]

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (es) Julián M. Ortega Ortega: Consideraciones sobre la explotación del hierro en la Sierra Menera (Teruel) durante época andalusí, articlo localizau en Minas y metalurgia en al-Andalus y Magreb occidental: explotación y poblamiento 2008, ISBN 978-84-95555-93-9 , pp 95-122.
↑ (es) Juan Antonio Frago Gracia: Toponimia Navarroaragonesa del Ebro (II): Nombres de núcleos de población y de construcciones religiosas y militares. Publicau en: Revista Príncipe de Viana, Nº 156-157, 1979, pp. 333-350.
↑ (es) Juan Antonio Frago Gracia: Toponimia navarroaragonesa del Ebro (IV): Orónimos. Publicau en: Archivo de Filología Aragonesa, Vol. 30-31, 1982, pp. 30-31.

Se veiga tamién

Datos: Q947103
Multimedia: Watch towers / Q947103

[DORTO-1] 1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[MENERAHISTORRES-2] (es) Julián M. Ortega Ortega: Consideraciones sobre la explotación del hierro en la Sierra Menera (Teruel) durante época andalusí, articlo localizau en Minas y metalurgia en al-Andalus y Magreb occidental: explotación y poblamiento 2008, ISBN 978-84-95555-93-9 , pp 95-122.

[TOPONIMIANAVARROARAGONESANUCLIOS-3] (es) Juan Antonio Frago Gracia: Toponimia Navarroaragonesa del Ebro (II): Nombres de núcleos de población y de construcciones religiosas y militares. Publicau en: Revista Príncipe de Viana, Nº 156-157, 1979, pp. 333-350.

[ReferenceA-4] (es) Juan Antonio Frago Gracia: Toponimia navarroaragonesa del Ebro (IV): Orónimos. Publicau en: Archivo de Filología Aragonesa, Vol. 30-31, 1982, pp. 30-31.

[1]

[2]

[3]

[4]