Dirty Harry
- Iste articlo ye sobre una cinta de cine policiaco d'intriga y acción estausunidense de l'anyo 1971; ta atros usos, se veiga Dirty Harry (desambigación)
Dirty Harry (títol orichinal en anglés, en aragonés Harry lo focín, enguerada en Aragón con o suyo títol traduciu enta lo castellano como Harry el sucio) ye una cinta de cine policiaco d'intriga y d'acción de l'anyo 1971 de cine estausunidense dirichida por Don Siegel seguntes un guión adaptau por Harry Julian Fink, R.M. Fink y Dean Riesner (basau en una historia de Harry Julian Fink y R.M. Fink), con una banda sonora orichinal de Lalo Schifrin, una dirección de fotografía de Bruce Surtees, una producción cinematografica de Don Siegel ta la productora cinematografica The Malpaso Company y un elenco formau por Clint Eastwood, Harry Guardino, Reni Santoni, John Vernon, Andy Robinson, John Larch, John Mitchum, Mae Mercer, Lyn Edgington, Ruth Kobart, Woodrow Parfrey, Josef Sommer, William Paterson, James Nolan, Maurice S. Argent y Jo de Winter, entre d'atros actors.
Harry Callahan, a qui claman lo facín porque li encomanan toz os asuntos mas complicaus, ye un policía de San Francisco a qui li encomanan investigar uns asasinatos cometius por un francotirador que se fa clamar Scorpio y que desiche que la ciudat de San Francisco li pague 100.000 dólars u continará matando mas ciudadans. Harry ye partidario d'a sureza en o tracto con os delincuents y no li cuaca pas guaire cuan li asignan a un companyero novato, Chico González. Cuan un helicoptero d'a Policia localiza a lo francotirador amán d'a ilesia de Sant Per y Sant Pavlo preban de fer-lo preso pero se lis escapa y como consecuencia Scorpio fa mas asasinatos y puya lo rescate que demana dica los 200.000 dólars u amás matará a una mesacha que ha secuestrau. Cuan a la fin logran fer-lo preso, se troban que lo han feito sin seguir as garantías y procedimientos legals y lo fiscal de districto lo dixa en libertat y sancionan a Harry. Amás, Scorpio paga ta que l'enseben bien y diz que l'autor d'a ensebada ye Harry, a qui se li ordena que dixe de seguir-lo. Pero Harry no quiere albandonar y cuan conoix que Scorpio ha secuestrau un autobús escolar con muitos ninos, decide actuar.
Dirty Harry ye la primer cinta a on i amanixe lo personache de l'Harry Callahan, estando asinas a primer cinta d'a serie de cintas Dirty Harry, que continó con Magnum Force (1973), he Enforcer (1976), Sudden Impact (1983) y The Dead Pool (1988). En tener un important exito de publico, ubrió amás a puenta a la filmación de cuantas cintas de tematica policiaca en ixas envueltas. D'atra man, a cinta se basa en un caso real, o caso d'o clamau asasino d'o zodiaco. A cinta s'ambienta en a ciudat de San Francisco en o suyo momento actual (1971) y las suyas escenas se filmoron en ixa mesma ciudat y en bellas atras localidaz de California, incluyindo-ie en os Universal Studios en Universal City.[2] Ye una cinta que ha recibiu bels premios y nominacions.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de Dirty Harry en Internet Movie Database.
- ↑ (en) Localizacions de Dirty Harry en INternet Movie Database.
- ↑ (en) Dirty Harry en Internet Movie Database.
Vinclos externos
editar- (en) Pachina web oficial de Dirty Harry en a web d'a Warner Bros..
- (en) Dirty Harry en AllMovie.
- (en) Dirty Harry en Box Office Mojo.
- (en) Dirty Harry en Rotten Tomatoes.
- (en) Dirty Harry en TCM Movie Database.
- (en) Dirty Harry en l'American Film Institute Catalog de l'American Film Institute.
- (es) Dirty Harry en FilmAffinity.
- (fr) Dirty Harry en Allociné.
- (en) Dirty Harry en Letterboxd.
- (en) Dirty Harry en Metacritic.
- (en) Dirty Harry en Netflix.
Datos: Q110206