Marcell Frydmann
| Dialäkt: Owerelsassisch |
Dr Marcell Frydmann (sitter 1899: Marcell Frydmann Rìtter vu Prawy; * 25. Mai 1847 z’ Jaslo, Gàlizia; † 13. Nowamber 1906 z’ Wien) ìsch a eeschtriicher Jurischt un Schurnàlischt gsìì.
si Laawa
ändereDr Frydmann schtàmmt vun’ra jiddischa Fàmìlia vu Beàmter. Ar hàt Racht àn dr Üniwärsiteet vu Wien gschtudiart un hàt doo a Dokterwìrda (Dr. jur.) bikumma. Dr Max Menger vu Wolfensgrün ìsch ainer vu sina Lehrer gsìì.
Noh sina Schtudia hàt dr Frydmann a Beàmterkàrriar ààgfànga. Ar ìsch z’lätscht Hof-Gerìchtsànwàlt z’ Wien gsìì. Schu wahrend sina Schtudia ìsch’r Schurnàlischt gsìì fìr d’ Zittunga Debatte un Tagespresse. Wahrem ditsch-frànzeescha Kriag ìsch’r Üsslàndsberìchter z’ Pàris gsìì.
Ìn da Joohra 1870 un 1880 ìsch dr Frydmann àls Schtroofvertaidiger bekànnt worra. Nawadràà ìsch’r witter Schurnàlischt gsìì, un ìsch bekànnt gsìì fìr sina politischa Laitàrtìckel. Ànna 1878 ìsch’r Uffsätzer gsìì bim Wiener Fremdenblatt. Dia Zittung hàt’r àb 1886 glaita.
Fìr sina Tatigkait hàt dr Frydmann wìchtiga Üsszaichnunga bikumma: ànna 1883 ìsch’r àls Regiarungsroot ärnännt worra, ànna 1894 àls kaiserliga Hofroot, un ìn sinera Geburtsschtàdt Jaslo ìsch’r Ehrabìrger worra. Ànna 1899 hàt ìhn dr Kaiser Frànz Joseph àls Rìtter ärnännt; doo drbi hàt dr Frydmann s’ Territoriàlpredikàt „Prawy“ so wia-n-a Wàppa[1] bikumma. Wo ma-n-ìhm dr Àdelschtànd ärwìrdigt hàt, hàt dr Frydmann dräi Territoriàlpredikàter vorschlààga, wo-n-’r gwunscha hàt: ar hàt „Goda“, „Ropa“ un „Prawy“ (s’ Polnischa fìr „dr Gracht“) vorgschlààga.[2] Üsserdam ìsch dr Frydmann Komtüür vum Frànz-Joseph-Orda gsìì.[3]
Ums Joohr 1900 hàt dr Marcell Frydmann vu Prawy àm Hegelgàss Nr. 7 ìm 1. Gmaindabezirk vu Wien gwohnt. Ar ìsch dr Grossvàtter gsìì vum Jurischt un Opernkritiker Marcel Prawy. Ìm Frydmann si Grààb kààt ma-n-ìn dr Àlta Israelitischa Àbtailung (3. Toor) uff’m Wiener Zäntràlfrìedhof fìnda. Mìt ìhm sìn sina Fràui Bertha un sina Tochter Hedwig beardigt, wo bezihungswiis ànna 1927 un ànna 1960 gschtoorwa sìn.
sina veräffentligta Wark
ändere- Systematisches Handbuch der Vertheidigung im Strafverfahren unter Zugrundelegung des österreichischen und Berücksichtigung des fremden, insbesondere deutschen Strafprocessrechtes. Wien: A. Hölder 1878
- Der neue Pressgesetz-Entwurf. Vortrààg, wo-n-’r àm 7. Hornung 1903 ìn dr „Jurischticha Gsällschàft“ ghàlta hàt. Wien 1903 (Volltext uf books.google.de-USA)
Literàtüür
ändere- Frydmann-Prawy Marcell von. In: Österreichisches Biographisches Lexikon 1815–1950 (ÖBL). Band 1, Verlag der Österreichischen Akademie der Wissenschaften, Wien 1957, S. 376 f. (Direktlink uf S. 376, S. 377)
Weblinks
ändere
Commons: Marcell Frydmann – Sammlig vo Multimediadateie- Journalisten- und Schriftstellerverein „Concordia“. In: Wiener Zeitung, 15. November 1906, S. 7 Mitte. (Online bi ANNO)
Ainzelnohwiisa
ändere- ↑ A Àbbìldung vun ìm Frydmann vu Prawy sinera Wàppa bi NovaNobilitas.eu.
- ↑ Eeschtriich Schtààtsàrkiv vu Wien, Àllgmain Verwàltungsàrkiv, Àdelsàrkiv: Àdelsakt vum Frydmann vu Prawy, 1899 (ditsch).
- ↑ Sterbebild Marcell Frydmann von Prawy (1906). Abgruefen am 31. August 2021.
|
Dä Artikel basiert uff ere fräie Übersetzig vu dere Version vum Artikel „Marcell_Frydmann“ vu de dütsche Wikipedia. E Liste vu de Autore un Versione isch do z finde. |