Ida Guldenschuh

D Ida Huck-Guldenschuh (* 26. Augschte 1881 z Chilche as Ida Guldenschuh; † 6. Dezämber 1955 z Uhldinge) isch e dytschi Haimetdichteri gsii.

Lääbe

D Ida Guldenschuh isch z Chilchen im Merkgreflerland uf d Wält chuu un dert ufgwachse. Si isch uf d Volksschuel in ihrem Haimetdorf gange un derno uf d Furtbildigsschuel. Mit 19 Johr isch si in di franzesisch Schwyz go dert Huuswirtschaft lehre un derzue au Franzesisch. Wu si wider haimchuu isch het si Klavier glehrt. Anne 1905 het d´si dr Dokter Ludwig Huck ghyrote, wu au vu Chilche gsii isch. Si sin zäme uf Singe zoge, wu si dr Ludwig Huck as braktische Dokter nidergloo het. Si het fryndschaftligi Verbindige bflägt zue dr Maria Hesse, dr erschte Frau vum Hermann Hesse, un zum Ludwig Finckh, speter au zue dr Lina Kromer un zum Hermann Burte. Anne 1928, no 23 Johr, isch d Eh gschide wore. D Ida Huck-Guldenschuh isch uf Unteruhldinge zoge un het dert e Pension fir Feriegescht ufgmacht. In däre Zyt het si si au mee em Schrybe gwidmet. Ändi 1930er, aafangs 1940er Johr het ihre dichterisch Schaffe ne Hegschtpunkt ghaa. Si het vor allem Gedicht iber ihri Haimet im Markgrelferland gschribe. Aafangs Dezämber 1955 isch si im Alter vu 74 Johr gstorbe. Sälber publiziert het d Ida Guldenschuh wenig, e baar Gedicht un Prosatäxt in Zytschrifte. Zwee Änkel vun ere, dr Thomas Huck un dr Per Huck, wu Kusäng zuenander sin, hän anne 2005 Gedicht vun ere uusegee.

In ihrem Haimetort Chilchen isch e Stroß noch ere gnännt wore, dr Ida-Guldenschuh-Weg.

Wärch

Das Markgräflerland im Krieg, im Frieden und fürderhin (Gedicht). In: Markgräfler Jahrbuch 1940/41, S. 175–181
Drei Glückwünsche für Hermann Burte zum Siebenzigsten. In: Markgräfler Jahrbuch (3) 1954. S. 155
Zwüsche Liecht un Dunkel (Gedicht). In: Die Markgrafschaft. Beiträge aus Geschichte, Kultur und Wirtschaft des Markgräflerlandes. Monatszeitschrift des Hebelbundes. Müllheim 1950, 1, S. 10
Der Zirik von Istein. Erzählung aus dem „Immengärtlein“. In: Die Markgrafschaft. Beiträge aus Geschichte, Kultur und Wirtschaft des Markgräflerlandes. Monatszeitschrift des Hebelbundes. Müllheim 1950, 4, S. 10
Die Markgräfler Idylle im Himmel und auf Erden. (1. Fortsetzung). In: Beiträge aus Geschichte, Kultur und Wirtschaft des Markgräflerlandes. Monatszeitschrift des Hebelbundes. Müllheim 1950, 6, S. 12–14
Ida Guldenschuh. Eine alemannische Dichterin (1881–1955). Hrsg. von Thomas Huck. Red. Mitarbeit und Gestaltung Christine Huck. Uhldingen-Mühlhofen, 2005

Literatur

Friedel Scheer-Nahor: Ida Guldenschuh – Erinnerung an e alemannischi Dichteri. In: Alemannisch dunkt üs guet, 2006/1-2, S. 62

Weblink

Täxtprobe uf dr Websyte vu dr Muettersproch-Gsellschaft
Guldenschuh, Ida uf leo-bw.de