Alexander Issajewitsch Solschenizyn

Der Alexander Issajewitsch Solschenizyn (* 11. Dezämber 1918 z Kislowodsk; † 3. Augschte 2008 z Moskau) isch an vo de wichtigste russischsprochige Schriftsteller im 20. Joorhundert gsii.

Der Solschenizyn het z Rostow am Don d Schuel bsuecht und dänn dört Mathematik und Füsik studiert. Anne 1940 het er d Natalja Alexejewna Reschetowskaja ghürootet. 1941 isch er in Chriegsdienscht yzoge worde. Noch em Chrieg het er der Orde vom Grosse Vatterländische Chrieg übercho, aber me het en äinewäg vo 1945 bis 1953 im ene Gfangenelager lo sy; und derno het en der Staat aber grad in en chlyne Ort z Kasachstan verbannt. Wo das ume gsi isch, het der Solschenizyn sid 1957 als Lehrer gschaffet.

Der Schriftsteller het derno es baar Büecher gschribe. Wo 1973 s Wärch Der Archipel Gulag usecho isch, het en d Polizei grad wider gfange gnoo, und er isch is Ussland abgschobe worde. Er het dänn z Dütschland und au mal z Schtèèrnebèèrg im Schwizer Kanton Züri gläbt. Am lengschte isch er z Amerika im Exil gsi. Anne 1990 het er z Russland wider sini bürgerleche Rächt zruggübercho, und so isch er 1994 dörthii zrugggange.

Anne 1970 het der Alexander Solschenyzin der de Nobelpriis för Literatur öbercho.

E baar vo sine Wärk

Ein Tag im Leben des Iwan Denissowitsch (russ. Один день Ивана Денисовича), 1962
Der erste Kreis der Hölle (В круге первом,), 1968
Krebsstation (Раковый Корпус), 1968
Das rote Rad (Красное колесо), Band 1971
Der Archipel Gulag (Архипелаг ГУЛАГ), 1973-1976
Lenin in Zürich, 1975
Republik der Arbeit, 1977
Rußlands Weg aus der Krise. Ein Manifest, 1990
Die russische Frage am Ende des 20.Jahrhunderts Erscheinungsjahr 1994
Meine amerikanischen Jahre, 2004

Weblink

Commons: Aleksandr Solzhenitsyn – Sammlig vo Multimediadateie