Tinerfe

Tinerfe ook bekend as die Grote, was die koning (Mencey) van die Guanches van die eiland Tenerife (Kanariese Eilande). Daar word gedink dat hy in die laat veertiende eeu geleef het.

Standbeeld van Tinerfe in Adeje.

Hy was die seun van koning Sunta, wat voor die verowering van die Kanariese Eilande in die vyftiende eeu oor die hele eiland geheers het. Tinerfe se hof moet, soos al sy voorgangers s'n, in Adeje, die suide van Tenerife, gewees het .

Ná sy pa se dood het Tinerfe die alleenheerskappy oor Tenerife geërf. Soos ook met sy voorgangers gebeur het, probeer sy ooms om die kroon te verower, maar hulle was onsuksesvol. Volgens die kroniek bereik die eiland van Tenerife groot welvaart tydens sy regering.

By sy dood verdeel sy seuns die eiland in nege menceyatos (koninkryke). Daar is 'n teorie dat die eiland Tenerife se naam van Tinerfe kom maar dit word tans geglo dat die naam van die eiland van die Teide vulkaan afkomstig is.

Bibliografie

• Abreu y Galindo, J. de, Historia de la conquista de las siete islas de Canarias, en A. Cioranescu (ed) Goya ediciones, Tenerife, 1977 ISBN 84-400-3645-0.
• Arias Marín de Cubas, T. Historia de las siete islas de Canaria, edición de Ángel de Juan Casañas y María Régulo Rodríguez; proemio de Juan Régulo Pérez; notas arqueológicas de Julio Cuenca Sanabría. Real Sociedad Económica de Amigos del País, Las Palmas de Gran Canaria, 1986 ISBN 84-398-7275-5
• Bethencourt Alfonso, J. Historia del pueblo guanche: Tomo II. Etnografía y organización socio-política, Francisco Lemus Ed. La Laguna, 1991 ISBN 84-87973-05-1.
• Espinosa, Fray A. de, Historia de Nuestra Señora de Candelaria, en A. Cioranescu (ed) Goya ediciones, santa Cruz de Tenerife, 1967 ISBN 84-400-3645-0.
• Torriani, L. Descripción e historia del reino de las Islas Canarias, en A. Cioranescu (ed) Goya ediciones, Santa Cruz de Tenerife, 1978 ISBN 84-7181-336-X.
• Viana, A. La Conquista de Tenerife, en A. Cioranescu (ed) Aula de Cultura de Tenerife, Cabildo Insular, 1968-1971.